സിപിഎം ആരക്കുഴ ലോക്കല് കമ്മിറ്റി പുതുതായി നിര്മിച്ച ഓഫീസിന്റെ പ്രവര്ത്തനം ഇന്നാരംഭിക്കും.
ആരക്കുഴ: പുതുതായി നിര്മിച്ച സിപിഎം ആരക്കുഴ ലോക്കല് കമ്മിറ്റി ഓഫീസിന്റെ (എപി വര്ക്കി സ്മാരക മന്ദിരം) പ്രവര്ത്തനം ഇന്നാരംഭിക്കും.
കോവിഡ് 19 മൂലം ഓഫീസിന്റെ ഔപചാരിക ഉദ്ഘാടനം പിന്നീട് നടത്തും. കൂടാതെ മന്ദിരത്തില് ആരംഭിക്കുന്ന ജനസേവന കേന്ദ്രം ഇന്നു രാവിലെ 11ന് സിപിഎം ജില്ലാ സെക്രട്ടറി സി.എന്. മോഹനന് ഉദ്ഘാടനം ചെയ്യും. സിപിഎം സംസ്ഥാന കമ്മിറ്റിയംഗം ഗോപി കോട്ടമുറിക്കല് ജനസേവന കേന്ദ്രത്തിന്റെ സ്വിച്ച് ഓണ് കർമ്മം നിര്വഹിക്കും.എല്ഡിഎഫ് ആരക്കുഴ പഞ്ചായത്ത് കമ്മിറ്റിയുടെ തെരഞ്ഞെടുപ്പ് പ്രകടന പത്രികയിലേക്ക് പൊതുജനങ്ങളില് നിന്ന് നിര്ദ്ദേശം സ്വീകരിക്കുന്ന ഓണ്ലൈന് ലിങ്ക് ജില്ലാ സെക്രട്ടേറിയറ്റംഗം പി.എം.ഇസ്മയില് ഉദ്ഘാടനം ചെയ്യും. ലോക്കല് കമ്മിറ്റി ഓഫീസിന്റെ താക്കോല് ജില്ലാ സെക്രട്ടേറിയറ്റംഗം പി.ആര്. മുരളീധരന് ലോക്കല് സെക്രട്ടറി സാബു ജോസഫ് ചാലിന് കൈമാറും.
ഏരിയാ സെക്രട്ടറി എം.ആര്.പ്രഭാകരന് പതാക ഉയര്ത്തും. ജനസേവന കേന്ദ്രത്തില് വൈഫൈ, ഇന്റര്നെറ്റ്, ഫോട്ടോസ്റ്റാറ്റ്, ഡിടിപി, ഓണ്ലൈന് സൗകര്യങ്ങള് പൊതുജനങ്ങള്ക്ക് ലഭ്യമാക്കും. പാര്ട്ടി ആദ്യകാല പ്രവര്ത്തകനും തൊഴിലാളി യൂണിയന് നേതാവുമായിരുന്ന കെ.എ. കുമാരന്റെ സ്മാരകമായി ലോക്കല് കമ്മിറ്റി ഓഫീസ് മന്ദിരത്തില് കോണ്ഫറന്സ് ഹാള് നിര്മിച്ചിട്ടുണ്ട്.