വിശിഷ്ട സേവനത്തിനുള്ള മുഖ്യമന്ത്രിയുടെ ഫയർ സർവ്വീസ് മെഡൽ മൂവാറ്റുപുഴ അഗ്നിരക്ഷാ നിലയത്തിലെ ഓഫീസർക്ക്.
മൂവാറ്റുപുഴ: വിശിഷ്ട സേവനത്തിനുള്ള ഈ വർഷത്തെ മുഖ്യമന്ത്രിയുടെ ഫയർ സർവ്വീസ് മെഡൽ മൂവാറ്റുപുഴ അഗ്നിരക്ഷാ നിലയത്തിലെ സീനിയർ ഫയർ &റെസ്ക്യൂ ഓഫീസർ (ഗ്രേഡ് ) റ്റി. പി. ഷാജി അർഹനായി. പുളിന്താനം താണിക്കുന്നേൽ പരീതിന്റെയും ആമിനയുടെയും മകനാണ്. 2004ൽ ഫയർ &റസ്ക്യൂ ഓഫീസറായി സർവ്വീസിൽ പ്രവേശിച്ച റ്റി.പി. ഷാജി കവളപ്പാറ ദുരന്തം, പെട്ടിമുടി ദുരന്തം, നാലാം ബ്ലോക്ക്‌ ദുരന്തം, പ്രളയം, വിവിധ ജലാശയ രക്ഷാ പ്രവർത്തനങ്ങൾ തുടങ്ങി ഒട്ടനവധി രക്ഷാപ്രവർത്തനങ്ങളിൽ പങ്കാളിയായിട്ടുണ്ട്. ഇതിനോടകം പത്തിലധികം റിവാർഡുകളും ലഭിച്ചിട്ടുണ്ട്.
