അമ്പലംപടിയിൽ നിന്നും മോഷണം പോയ ഓട്ടോറിക്ഷ തിരികെ ലഭിച്ചു.
മൂവാറ്റുപുഴ:ഇന്നലെ വൈകീട്ടോടെ അമ്പലംപടിയിൽ കടയുടെ മുമ്പിൽ നിർത്തിയിട്ടിരുന്ന ഓട്ടോറിക്ഷ മോഷണം പോയത് തിരികെ ലഭിച്ചു.ന്യൂ വെജിറ്റബിൾസ് ആൻഡ് ഫ്രുട്ട് എന്ന കടയുടെ ഉടമ കൂടിയായ വർഗ്ഗീസ് മുടിനാട്ടിന്റെ ഉടമസ്ഥതയിലുള്ള KL 17 E 7961 എന്ന നമ്പറിൽ ഉള്ള ഓട്ടോറിക്ഷയാണ് ഇന്നലെ (11-09-2020) മോഷണം പോയത്. രാത്രി 8.30 ക്ക് കട അടക്കുന്നതിനായി ചെന്നപ്പോൾ ആണ് വാഹനം നഷ്ടപ്പെട്ട വിവരം അറിയുന്നത്.എന്നാൽ പിന്നീടുള്ള അന്വേഷണത്തിൽ ഒരാൾ അബദ്ധവശാൽ മാറി എടുത്തു കൊണ്ട് പോയതാണെന്ന് കണ്ടെത്തി.ഓട്ടോ തിരികെ ലഭിച്ചതായി ഉടമസ്ഥൻ അറിയിച്ചിട്ടുണ്ട്.