കഞ്ചാവുമായി ആസാം സ്വദേശി പിടിയിൽ
കഞ്ചാവുമായി ഇതര സംസ്ഥാന തൊഴിലാളി എക്സൈസിന്റെ പിടിയിൽ. ആസാം സ്വദേശി നൂർ ജമാൽ (40) ആണ് പെരുമ്പാവൂർ എക്സൈസ് സംഘത്തിന്റെ പിടിയിലായത്. പ്രതിയുടെ പക്കൽനിന്നു 1.3 കിലോ കഞ്ചാവ് എക്സൈസ് കണ്ടെടുത്തു. ക്രിസ്മസ്-ന്യൂഇയർ പ്രമാണിച്ചു നടത്തിയ പരിശോധനയിലാണ് പ്രതി പിടിയിലായത്. സ്വദേശത്തു നിന്ന് എത്തിക്കുന്ന കഞ്ചാവ് ഇതര സംസഥാനക്കാർക്കിടയിൽ വിൽപ്പന നടത്തിയാണ് പ്രതി വരുമാന മാർഗം കണ്ടിരുന്നത്. കഞ്ചാവ് കൈമാറുന്നതിനായി മുടിക്കൽ ചെറുവേലിക്കുന്ന് നിൽക്കുമ്പോഴാണ് പ്രതി പിടിയിലായത്. വരും ദിവസങ്ങളിൽ പരിശോധന കർശനമാക്കുമെന്ന് എക്സൈസ് പറഞ്ഞു.