അമേരിക്കൻ അസോസിയേഷൻ ഓഫ് നേഴ്സ് പ്രാക്റ്റീഷണർ ( AANP) എക്സല്ലൻസ് അവാർഡിന് കല്ലൂർക്കാട് സ്വദേശിനി അർഹയായി.
കല്ലൂർക്കാട്:അമേരിക്കൻ അസോസിയേഷൻ ഓഫ് നേഴ്സ് പ്രാക്റ്റീഷണർ ( AANP) എക്സല്ലൻസ് അവാർഡിന് കല്ലൂർക്കാട് സ്വദേശിനി അർഹയായി.നെടുംങ്കല്ലേൽ കുടുംബാംഗം ഡോ: ആനിപോളാണ് ഈ നേട്ടത്തിന് അർഹയായത്.ആതുരസേവന രംഗത്തും,രാഷ്ട്രീയ രംഗത്തും പല മാറ്റങ്ങൾ വരുത്താനും നേഴ്സ് പ്രാക്റ്റീഷണേഴ്‌സിന്റെയും, നഴ്സസ്സിന്റെയും ഉന്നമനത്തിനായി അസോസിയേഷൻസ് രൂപീകരിക്കുകയും, അവരെ സേവനരംഗത്തും, ഉന്നത വിദ്യാഭ്യാസത്തിനും പ്രോത്സാഹിപ്പിക്കുകയും,മാർഗ്ഗനിർദ്ദേശങ്ങൾ നൽകുകയും ചെയ്ത സേവനത്തിനുള്ള അംഗീകാരമാണ് അവാർഡ്.പൊതുജന ആരോഗ്യത്തിനു വേണ്ടി ഹെൽത്ത് ഫെയർ, ഹെൽത്ത് എഡ്യൂക്കേഷൻ എന്നിവക്കൊപ്പം സി പി ആർ ഇൻസ്ട്രക്ടർ കൂടിയായ ഡോ.ആനി “ഫാമിലി ആൻഡ് ഫ്രണ്ട്സ്” സി പി ആർ കമ്മ്യൂണിറ്റി സെന്ററിലും,നേതൃത്വം കൊടുത്തത് വളരെ അധികം പേരുടെ ജീവിതം രക്ഷിച്ചിട്ടുണ്ട്.മൂന്നാം തവണയും റോക്‌ലാൻഡ് കൗണ്ടി ലെജിസ്ലേറ്ററായ് തിരഞ്ഞെടുക്കപ്പെട്ട ഇവർ വൈസ് ചെയർ കൂടിയാണ്. ലെജിസ്ലേറ്റർ എന്ന നിലയിൽ പൊതുജന ആരോഗ്യത്തിനു വേണ്ടി പല പോളിസികളും കൊണ്ടുവരികയും NYSNA യുടെ സേഫ് സ്റ്റാഫിംഗ് റെസൊല്യൂഷൻ ലെജിസ്ലേറ്റർറിൽ ഫുൾ സപ്പോർട്ടോടുകൂടി പാസാക്കുകയും ചെയ്തു.അതുപോലെ ഹെയ്റ്റിയിൽ ഹരിക്കയിൻ സമയത്ത് ഹെയ്റ്റി നഴ്സസ് അസ്സോസിയേഷനോടൊപ്പം (HANA) ഹെയ്റ്റിയിൽ ഒരാഴ്ച മെഡിക്കൽ മിഷൻ പ്രവർത്തനങ്ങൾക്ക് നേതൃത്വം നൽകാൻ കഴിഞ്ഞു. നായാക്ക് NAACP – യോടൊപ്പം ഹെൽത്ത് കോർഡിനേറ്ററായും മികച്ച സേവനം കാ ഴ്ച വച്ചിട്ടുണ്ട്. ഡൽഹിയിൽ ഇന്ദിരഗാന്ധിയിൽ നിന്നും നഴ്സിംഗ് എക്സല്ലൻസ് അവാർഡ്, അമേരിക്കയിൽ നിന്നും റോക്‌ലാൻഡിലെ നഴ്സിംഗ് എക്സല്ലൻസ് അവാർഡ്, നഴ്സിംഗ് സ്പെക്ട്രം അവാർഡ് തുടങ്ങിയ ഉൾപ്പെടെ ധാരാളം സാമൂഹ്യ സാംസ്ക്കാരിക രാഷ്ട്രീയ അവാർഡുകളും ലഭിച്ചിട്ടുണ്ട്.ന്യൂയോർലീൻസിൽ ജൂൺ 23മുതൽ -28വരെ തീയതികളിൽ നടക്കാനിരുന്ന AANP കോൺഫെറെൻസ് കോവിഡ് – 19 മൂലം റദ്ദാക്കിയതിനാൽ അവാർഡ് തപാൽ വഴിയാണ് ലഭിച്ചത്‌. രാമപുരം സ്വദേശിയായ പോളാണ് ഭർത്താവ് .മറീന,ഷബാന,നടാഷ,എന്നിവരാണു മക്കള്‍.
