ടോറസ് ലോറി കാറിൽ ഉരസ്സി . കാർ ഡ്രൈവർ ലോറിയുടെ താക്കോൽ ഊരിയെടുത്തു വീട്ടിൽപോയി.കാർ ഡ്രൈവറെ കസ്റ്റഡിയിലെടുത്തു.

   

Muvattupuzhanews.in

മൂ​വാ​റ്റു​പു​ഴ: ടോ​റ​സ് ലോ​റി കാ​റി​ല്‍ ഉ​ര​സി​യെ​ന്ന് ആ​രോ​പി​ച്ച്‌ ലോ​റി​യു​ടെ താ​ക്കോ​ല്‍ ഊ​രി​യെ​ടു​ത്ത് കാർ ഡ്രൈവറുടെ പ്ര​തി​ഷേ​ധം.താ​ക്കോ​ലു​മാ​യി ക​ട​ന്നു​ക​ള​ഞ്ഞ കാ​ര്‍ ഉ​ട​മ​യെ പി​ന്നീ​ട് പോ​ലീ​സ് അ​റ​സ്റ്റു ചെ​യ്തു. എം​സി റോ​ഡി​നു ന​ടു​വി​ല്‍ ലോ​റി നി​ന്നു​പോ​യ​തോ​ടെ ന​ഗ​രം രണ്ട് മ​ണി​ക്കൂ​റോ​ളം ഗ​താ​ഗ​ത​ക്കു​രു​ക്കി​​ലാ​യി.

സം​ഭ​വ​ത്തി​ല്‍ കാ​ര്‍ ഡ്രൈ​വ​ര്‍ പേ​ഴ​യ്ക്കാ​പ്പി​ള്ളി വെ​ള്ളി​രി​പ്പി​ല്‍ മാ​ഹി​നെ പോ​ലീ​സ് പി​ടി​കൂ​ടി. ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്ന് മണിയോടെ വെ​ള്ളൂ​ര്‍​ക്കുന്നം സി​ഗ്ന​ല്‍ ജം​ഗ്ഷ​നു സ​മീ​പ​മാ​യി​രു​ന്നു സം​ഭ​വം. ടോ​റ​സ് ലോ​റി കാ​റി​ല്‍ ഉ​ര​സി​യ​തി​നെ​ത്തു​ട​ര്‍​ന്ന് പി​ന്നാ​ലെ എ​ത്തി​യ മാ​ഹി​ന്‍ ലോ​റി​യെ മ​റി​ക​ട​ന്ന് കാ​ര്‍ കു​റു​കെ ഇ​ടു​ക​യും , തുടർന്ന് മാ​ഹി​നും ലോ​റി ഡ്രൈ​വ​റും ത​മ്മി​ല്‍ വാ​ക്കു​ത​ര്‍​ക്ക​മു​ണ്ടാ​യി. ത​ര്‍​ക്കം രൂ​ക്ഷ​മാ​യ​തോ​ടെ ലോ​റി​യി​ല്‍ ക​യ​റി താ​ക്കോ​ല്‍ ഊ​രി​യെ​ടു​ത്ത് മാ​ഹി​ന്‍ കാ​റി​ല്‍ ക​യ​റി വീട്ടിലേക്ക് പോ​വു​ക​യും ചെ​യ്തു.
ലോറി മാ​റ്റാ​നാ​കാ​തെ ന​ടു​റോ​ഡി​ല്‍ കി​ട​ന്ന​തോ​ടെ എം​ സി റോ​ഡി​ല്‍ കി​ലോ​മീ​റ്റ​റോ​ളം ഗ​താ​ഗ​തം സ്തം​ഭി​ച്ചു. സി​ഗ്ന​ല്‍ ജം​ഗ്ഷ​നു സ​മീ​പ​മാ​യി​രു​ന്ന​തി​നാ​ല്‍ ദേ​ശീ​യ പാ​ത​യി​ലും ഗ​താ​ഗ​ത​ക്കു​രു​ക്ക് രൂ​ക്ഷ​മാ​യി അനുഭവപെട്ടു . മ​റ്റൊ​രു താ​ക്കോ​ല്‍ കൊ​ണ്ടു​വ​ന്ന് ഒ​ന്ന​ര മ​ണി​ക്കൂ​റി​നു​ശേ​ഷ​മാ​ണ് ലോ​റി റോ​ഡി​ല്‍​നി​ന്ന് നീ​ക്കിയത് . സ്ഥ​ല​ത്തെ​ത്തി​യ പോ​ലീ​സ് ലോ​റി ഡ്രൈ​വ​റി​ല്‍​നി​ന്നു ല​ഭി​ച്ച വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ലാ​ണ് മാ​ഹി​നെ വീ​ട്ടി​ല്‍​നി​ന്നു ക​സ്റ്റ​ഡി​യി​ലെ​ടു​ത്ത​ത്. ഇ​യാ​ള്‍​ക്കെ​തി​രേ ഗ​താ​ഗ​ത ത​ട​സം സൃ​ഷ്ടി​ച്ച​തി​നും ലോ​റി ഡ്രൈ​വ​റെ കൈ​യേ​റ്റം ചെ​യ്ത​തി​നും പോ​ലീ​സ് കേ​സെ​ടു​ത്തി​ട്ടു​ണ്ട്.