അതിഥിത്തൊഴിലാളികള് താമസിക്കുന്ന വാടകവീടിന്റെ വൈദ്യുതി വിച്ഛേദിച്ചതിൽ പ്രതിഷേധം
മൂവാറ്റുപുഴ: അതിഥിത്തൊഴിലാളികള് താമസിക്കുന്ന വാടകവീടിന്റെ വൈദ്യുതി വിച്ഛേദിച്ചതിൽ തൊഴിലാളികൾ
കൂട്ടംകൂടി പ്രതിഷേധിച്ചു. ഇന്നലെ വൈകുന്നേരം ആറോടെ കീച്ചേരിപ്പടിയിലായിരുന്നു സംഭവം. നൂറോളം തൊഴിലാളികള് ഇവിടെ താമസിക്കുന്നുണ്ട്. വൈദ്യുതി ബില്ലും വാടകയും നല്കാത്തതിനാലാണ് ഫ്യൂസ് ഊരിയതെന്ന് കെട്ടിട ഉടമ പറഞ്ഞു.വീടിനു പുറത്ത് റോഡരികില് അതിഥിത്തൊഴിലാളികള് കൂട്ടംകൂടി നിന്നതോടെ പോലീസും സ്ഥലത്തെത്തി. തുടര്ന്ന് തൊഴിലാളികളും ഉടമയുമായി സംസാരിച്ചശേഷം ഒരു മാസത്തെ ഇളവ് നല്കി പ്രശ്നം പരിഹരിക്കുകയായിരുന്നു.